Qeveria ka rishpërndarë punonjësit e administratës për ti ardhur në ndihmë zgjedhjeve. Administrata e Komisonit Qëndror të Zgjedhjeve do të “zgjohet” dhe numri i përgjithshëm i punonjësve do të shkojë në 71, duke shtuar 6 punonjës. Gjithastu do të rritet numri i të punësuarve pranë Ministrisë së Zhvillimit Urban, për vitin 2017. Në të këtë dikaster do të shtohen 4 veta, duke e çuar numrin e përgjithshëm të këtij institucioni në 539 punonjës. Qeveria vendosi që numri i punonjësve të Komisionit të Prokurimit Publik, për vitin 2017, shtohet me 8 veta, duke e çuar numrin e përgjithshëm të këtij institucioni në30 punonjës.
Sipas vendimit të Këshillit të Ministrave numri i punonjësve të Komitetit Shtetëror të Minoriteteve, për vitin 2017, shtohet me 5 veta, duke e çuar numrin e përgjithshëm të këtij institucioni në 15 punonjës. Numri I punonjësve do të reduktohet në Ministrinë Mirëqenies Sociale dhe Rinisë. Për vitin 2017 në të këtë dikaster numri i punojësve reduktohet me 18 veta, duke e çuar numrin e përgjithshëm të këtij institucioni në 3 014 punonjës. Numri i punonjësve të Ministrisë së Bujqësisë, Zhvillimit Rural dhe Administrimit të Ujërave, për vitin 2017, reduktohet me 5 veta, duke e çuar numrin e përgjithshëm të punonjësve të këtij institucioni në 1 996 punonjës. Qeveri urdhëron institucionet që u preket struktura për të zbatuar urdhërin Ministrinë e Financave për zbatimin e këtij vendimi.
